BERRIOZARko
Udala

Festetako kartela

Kartela jaien berri emanen duen programaren azala izanen da. Aurten Berriozarko Jaiak abuztuaren 30ean hasi eta irailaren 3an bukatuko dira.

Kartel lehiaketako epaimahaiak, kultura batzordekideek osatua, aho batez erabaki zuen lehenengo saria Silvia Martínez Gómez de Seguraren lanari ematea. Erabakiaren arrazoiak izan dira, batetik, kartelaren gai nagusia, egileak aukeratutakoa oso adierazgarria baita gure herriko jaietan; bestetik, lanaren diseinua eta, azkenik, koloreen erabilera (laranja tonuak dira nagusi).
"El baile de los mayordomos" kartelean lau maiordomoak agertzen dira dantzan, Berriozarko Alde Zaharreko plazako zoladuraren gainean, bertan izaten baita jaietako dantzaldia. Hondoa ikusleek osatzen dute. Hondo laranjak eta marrazkia inguratzen duten diseinu-lerroek originaltasuna eta freskotasuna ematen dizkiote konposizioari. Arrazoi horiengatik aukeratu du epaimahaiak kartel hau gainerako hamalauen artean.
Lehenengo sariarekin batera, irabazleak 400 euro jasoko ditu.
Gainerako saridunak honakoak dira:

• Tokiko saria: María Cabestrero Mateosen "Alegría", 200 euro.
• 11-14 adin tartekoen kategoria: David Alzu Silleroren "Unas fiestas únicas", 100 euro.
• 11 urte artekoen kategoria: Iker De Miguel Valeroren "Jai-kolore", 100 euro.