Aurten, bi urtez festarik gabe egon ondoren, Antsoain, Berriobeiti, Berriozar, Itza eta Xulapaingo Gizarte Zerbitzuen Mankomunitateko herrietako jaiez gozatzeko aukera izango dugu berriro. Egun horiek aprobetxatuz, drogen eta substantziarik gabeko beste adikzio batzuen kontsumoan sentsibilizazio- eta prebentzio-kanpaina egingo dugu aurten ere. Kanpainaren helburu orokorra arrisku-kontsumoak eta jokabide-adikzioak eta horiek komunitatean dituzten ondorioak murriztea da. Kartelaren helburua drogen kontsumoarekin eta substantziarik gabeko bestelako adikzioekin (ludopatia) lotutako arazoen prebentzioan pertsona guztiok dugun erantzukizun indibidual eta kolektiboari buruzko gogoeta egitea da. Kartelaren eskuinaldean, genero-ikuspegia txertatu dugu, eraso sexistak prebenitzeko eta sentsibilizatzeko. Baita kontsumo-jokabideetan arriskuak murrizteko jarraibide batzuk ere.<\/p>\n
Kanpaina hainbat zerbitzutan zabalduko da, eta herrietako informazio-paneletan, sare sozialetan eta Udaletako eta Antsoain, Berriobeiti, Berriozar, Itza eta Xulapaingo Oinarrizko Gizarte Zerbitzuen Mankomunitateko web orrialdeetan ere zabalduko da.<\/p>\n
Hau da banatuko den materiala: kanpainako kartela, droga-mendekotasunei buruzko Foru Planetik eman dizkiguten liburuxkak, kontsumo arduratsua egiteko hainbat aholku biltzen dituztenak, eta Ailaket Elkarteak egindako liburuxka bat, festa-giroan droga-kontsumoarekin harremanetan dauden neskentzat interesgarriak diren gaiak jorratzen dituena. Horrez gain, txosnetan eta herrietako Gazteguneetan edo gazteen topaguneetan, nesken eta mutilen preserbatiboak emango ditugu, gazte guztiek doan eska dezaten, behar izanez gero; izan ere, babesik gabeko sexu-harremanak izatea droga-kontsumoarekin lotutako jokabide arriskutsua da.. Karpa bat egonen da, adostasunean, atseginean, gozamenean eta zaintzan oinarritutako harreman afektibo-sexualak sustatzeko helburuz, eta bertan prebentzio-materiala banatuko da (preserbatiboak, lubrifikatzaileak), eta zalantzak eta galdera zehatzak argitzeko aholkuak emanen dira.<\/p>\n
Herrietako tabernetan kanpainaren kartela, ostalaritza-sektoreko jardunbide profesional egokien dekalogoa eta alkoholaren kontsumoari buruz gogoeta egiteko Osasun Publikoko Institutuak argitaratutako materiala banatuko dira. Kanpaina gazteen etxabeetara, elkarteetara eta txosnetara ere zabalduko da.<\/p>\n
Aurten saio bat eskainiko da, jaien testuinguruan jarduera-protokoloak lantzeko, kontsumoetan arriskuak murrizteko eta eraso sexistak saihesteko, txosnetan barra borondatez egiten duten pertsonei zuzenduta.<\/p>\n