Jostailuak oparitzerakoan zentzuz aukeratzeak iraunkortasuna ematen du
Egun hauetan ohikoa izaten da opariak erostea. Horiek oparitzeko moduari erreparatu gabe eta planifikaziorik gabe, jolas eta jostailuetan diru asko ordaintzen dugu. Horregatik, Berriozarko Ludotekak eta Ohitura Osasungarrien Programa Komunitarioak gogoeta sortu nahi dute modu iraunkor, arduratsu eta kalitatezkoari buruz, kontsumismoa, indibidualismoa eta izaera sexista eta/edo bortitza duten jostailuak saihestuz. Honako hau proposatzen dugu:
ADINERAKO EGOKIA DEN JOKO EDO JOSTAILUA
Kontuan izango ditugu enpresa fabrikatzailearen jarraibideak, eta ea betetzen dituen komunikatzeko, trebetasunak garatzeko, irudimena eta sormena sustatzeko… beharrak.
Gaitasun sentsorialetarako, kognitiboetarako, psikomotrizeetarako, afektiboetarako eta sozialetarako egokia izan behar du.
KALITATEZKO JOSTAILUA, IRAUNKORRA ETA SEGURUA
CE markak, jostailuetan, Europako Ekonomia Erkidegoko merkatuak araututako gutxieneko kalitate eta segurtasuna bermatzen ditu, baina hori ez da beti nahikoa.
Jostailuak erresistentea, iraunkorra eta ez sobera sofistikatuegia izan behar du, dibertigarria izateko eginkizuna bete dezan.
Jostailu elektronikoak ez dira beti aukera ona, batez ere pilekin elikatzen badira.
EZ DA BETI EROSI BEHAR
Jostailuen kontsumoa murrizten saiatuko gara, eta, horretarako, senideen, lagunen, auzokideen eta abarren artean truka ditzakegu, belaunaldi batetik bestera pasa daitezke, konpon daitezke…
ADOS JARRI
Modu konpultsiboan erosten hasi baino lehen, senideekin eta lagunekin adostuko dugu, haurren premietan oinarritutako erosketa ekitatiboa, hausnartua eta zentzuduna egiteko.
JOSTAILUEK EZ GAITUZTE ORDEZKATZEN
Jolas edo jostailu bat oparitze hutsa asmo onenarekin egiten bada ere, batzuetan ez dugu joko kolektiborik izaten, ez familian, ez lagunen artean. Oso garrantzitsua da gure seme-alaben jokoan parte hartzea; izan ere, jolasari arreta jartzea hezkuntzan eta hizkunzta gaitasunetan arreta jartzea da, eta, beraz, baita garapen integral eta ekitatiboan ere. Eta prebentzio-lana ere egiten da. Oso dibertigarria da familian jokatzea!
SAIHESTU JOSTAILU SEXISTAK ETA/EDO BELIKOAK
Jostailuek ez dute generorik, beraz, neskek zein mutilek jolastu ahal izango dute. Saihestu helduon ikuspegiak haurren jolasean eragina izan dezaten.
Bestalde, arreta berezia jarriko dugu modelo berrien estereotipoak erreproduzitzen dituzten jostailuak ez oparitzeko.
Era berean, ez oparitu indarkeria erabiliz gatazkak konpontzea imitatzen duten jostailuak. (Gerra-jostailuak esaten zaienak).
HIZKUNTZAK GARRANTZIA DU
Euskara bezalako hizkuntza gutxitu bat egoki ikasteko, aisialdiak berebiziko garrantzia dauka, hizkuntza ez-akademikoa ikasteko eta euskara momentou dibertigarriekin ere lotzeko.
Euskarazko jolas eta jostailu pila bat daude, kontsultatu katalogoa.eus webgunean.