Armarria
Armarriaren gunea bitan zatitua dago. Ezkerrekoa urdin iluna da eta barrenean bildots zuri bat dauka, terrazatu orlegi baten gainean. Eskuinekoa zuria da eta zortzi suzko mihi gorri ditu, binaka jarriak. Zerrenda gorri batek inguratzen du gunea eta hartan txertaturik Nafarroako kateak ageri dira, urrezkoak; buru gisara, berriz, diademarik gabeko errege koroa, Nafarroako Erresuman ohikoa.
Erdi Aroan, herri baten garrantzia bertako familia-etxe edo su kopuruaren araberakoa zen, ez hainbeste herrian bizi zen jedearen araberakoa.
1350eko Monedaje Liburuan, Berriozar aipatzen denean, zortzi su zituela esaten da. Antsoain Zendea, Berriozar haren barnean baitzen, 1991n deuseztu zen. Hortaz, bada, armarri baten beharra Berriozarko Udalarentzat.
Armarriaren ezkerralean bildotsak jarraitu zuen, Antsoain Zendearen bereizgarria, Berriozarrek harekin izan duen loturaren oroigarri. Eskuinaldean zortzi su ageri dira, herria sortu zenean bertan bizi ziren zortzi familien ikur.