Ayuntamiento de Berriozar / Berriozarko Udala

Berriozarko Liburutegiko lehen Herritarren Laborategiak arreta jarri nahi du historiak alde batera utzi dituen, baina errekonozimendua merezi duten emakume horiengan. Ezagutzen dugunari eta ezagutzen ez dugunari, ikusarazten denari eta ezkutatzen denari buruz hausnartzeko ekimena da, eta nahiko genukeen munduan bizitzeko urrats txiki bat emateko.

Horretarako, hainbat astetan, parte-hartzaileek proiektu komun bat garatuko dute, beren ekarpen profesional edo sozialengatik ahanzturan erori behar ez luketen emakumeei buruz elkarrekin hausnartzeko, ikertzeko, sortzeko eta ikasteko aukera emango diena.

Zer da Herritarren Laborategia?
Herritarren Laborategia espazio inklusiboa, irekia eta horizontala da, eta pertsonen arteko lankidetza errazten du, lurraldeko bizitza hobetzen duten proiektuak esperimentatu, diseinatu eta inplementatzeko, ezagutzak trukatuz, lankidetzan arituz eta sorkuntza kolektiboaren bidez.

Herritarren Laborategien funtzionamendu-moduaren helburua da mundu desberdinetatik datozen pertsonek lana garatzen lagundu ahal izatea, eta, horrela, proiektua aberastea, hainbat ikuspuntu eta aurretiazko jakintzaren bidez.

Nork har dezake parte?
Ekimen hau herritar guztiei irekita dago, adina, sexua edo jatorria kontuan hartu gabe. Parte hartzeko baldintza bakarrak esperientzia honetan parte hartzeko gogoa eta aldez aurretik izena ematea da.

Otsailaren 2ra arte eman dezakezu izena, bai liburutegian bertan, bai inprimakiaren bidez: Jardueren izen-ematea

Zeintzuk dira helburuak?

• Jatorria edo garaia kontuan hartu gabe, ekarpen profesional edo sozialengatik gogoratzea merezi duten emakumeak ahanzturatik erreskatatzea.
• Herritarrek parte hartzeko gune bat prestatzea.
• Ikuspuntuak trukatzea eta elkarrenganako errespetuan oinarritutako elkarrizketa-gune bat sortzea.
• Elkarrekin bizitzea hobetzen lagunduko duten ideiak garatzen laguntzea.

Data garrantzitsuak

• Otsailaren 2ra arte: Liburutegian izena ematea
• Otsailak 8, osteguna – 18:30. Lehenengo bilera: Eztabaida eta proiektuaren definizioa
• Otsailak 15, osteguna – 18:30. Bigarren bilera: Proiekturako hautatutako emakumeen aurkezpena eta definizioa eta lan-plan sakona antolatzea.
• Otsailaren 16tik martxoaren 8ra: Prototipatze lana.
• Martxoaren 11tik 15erako astea: Emaitzaren aurkezpen publikoa.

Deialdiaren oinarriak

• Tailerrak parte-hartzaileen arteko berdintasuna sustatzen du.
• Laguntzaileek konpromisoa hartzen dute adierazitako egunetan eta orduetan aurrez aurre joateko, eta erabilgarri dauden espazioa eta materialak errespetatzeko.
• Parte-hartzaileek konpromisoa hartzen dute garatutako ezagutza zabaltzeko, lizentzia irekien bidez eskuragarri egon daitezen.
• Elkarlanerako eta ikaskuntzarako gunea da, eta, beraz, tailerreko parte-hartzaileentzat ez dago ordainsaririk.