Ayuntamiento de Berriozar / Berriozarko Udala

Helduentzako antzerkia, gaztelaniaz. Taldea: Ados Teatroa.

52 hercios aurrez mikrodokumental gisa jasotako benetako bakardade-testigantzetatik abiatuta sortutako ikuskizuna da. Izenburuak azken 35 urteetan Ozeano Bareko hainbat lekutan erregistratutako soinu arraro baten maiztasunari egiten dio erreferentzia, balea urdin baten kantuaren antzekoa. Baina balea urdinak 10 hertzetik 39 hertzetara bitarteko maiztasunetan komunikatzen dira, eta, beraz, “balea bakarti” bitxi honen ahotsa, 52 hertzetan dardarka, espeziearen entzumen-atalasetik kanpo geratzen da. Uste da “52 hertzetako balea” sortzez gorra izan daitekeela, eta horregatik ez zuela inoiz ikasi bere kantua maiztasun egokian igortzen. Beste baleek ez dute inoiz entzun haren deia.
52 hertzek “balea bakarti” horren metafora erabiltzen dute, gizarte-isolamenduaren sinbolo bihurtua, nahi gabeko bakardadea pairatzen ari diren edo pairatu duten pertsonei begirada poliedrikoa harilkatzeko, batzuek besteengan eragina duten “bizitza gurutzatu” moduko batean.

Nafar Gobernuko Elkarbizitza departamentuak antolatua, Berriozarko udalarekin batera.