Ayuntamiento de Berriozar / Berriozarko Udala

Ezin da jakin oraindik zein izanen den uda garaiko osasun egoera. Hala ere, Berriozarko Udalak hiri-udalekuak antolatu ditu uztailaren 26tik abuztuaren 13ra, 2009 eta 2017 urteen artean jaiotako haurrei zuzenduta. Euskarazko eta gaztelaniazko taldeak osatuko dira. Langile kalifikatuek zainduko dituzte behar berezidun haurrak.

Behin behineko izena emateko epea zabalik egonen da maiatzaren 13tik 20ra. Izena emateko moduak: 948 012 012 telefonora deituta edo ⇒ webgune honetan.

Behin betiko izen-ematea maiatzaren 25ean eginen da 17:00etatik 19:30era Udaletxeko Kultura Arloan.

Aurkeztu beharreko dokumentazioa:

• Izena emateko orria.
• Aurtengo errenta aitorpena.

Prezioa errenta aitorpenaren arabera kalkulatuko da. Errenta aitorpenaren agiririk aurkezten ez bada, kopururik altuena kobratuko da.

Prezioak kalkulatzeko tarteak (*familiaren per capita errenta):

Erroldatuak (ez erroldatuak %50 gehiago):

< 5000: 50 euro

5001 – 8000: 60 euro

8001 – 10000: 70 euro

10001 – 15000: 80 euro

15001 – 20000: 90 euro

20001>: 100 euro

Kartela ikusi