Ayuntamiento de Berriozar / Berriozarko Udala

Webgune honek cookieak erabiltzen ditu, propioak eta hirugarrenenak, zure nabigazioa optimizatu, zure nahietara egokitu eta analisi-lanak egiteko. Nabigatzen jarraituz gero, gure Cookieei buruzko politika onartzen duzu.
2021eko irailak 26

Berriozarko bizikleten udal aparkalekua Iruñeko sarean sartu da

Urriaren 1ean Berriozarko aparkalekua Iruñeko aparkalekuen sarean sartuko da. Horrek esan nahi du Berriozarren alta emandako edozein erabiltzailek bi udalerrietan erabili ahal izango dituela. Erabileragatiko tasa bera aplikatzen hasiko da, hau da, 2€ hilean.

Aldaketa horien berri emango zaie erabiltzaileei Pverde eta Bizi biziz aplikazioen bidez ere, horiek baitira aparkalekuak erabiltzeko balio duten aplikazioak.

Berriozarko bizikleten udal aparkalekuaren instalazioa karbono-aztarna murrizteko 2030 Agendaren proiektuen barruan dago, eta urrats bat da mugikortasun iraunkorraren aldeko apustuan. Udalak bizikleta erabiltzeak eta ariketa fisikoa egiteak dakartzan onurak nabarmendu nahi ditu, ingurune garbia, segurua eta bizigarria sortuz.