2026ko urtarrilak 28
Agate Deuna 2026
Arratsaldean, herritarrek herriko komertzioak bisitatuko dituzte koplak abestuz eta Zulo Alai Elkarteak antolatutako askari herrikoirako elikagaiak bilduz.
Otsailaren 4an, Agate Deunaren bezperan herriko komertzioetan barna koplak abestuz joanen gara. Komertzio bakoitzari pertsonalizatutako kopla abestuko diogu elkarrekin, eta trukean merienda egiteko jakiak jasoko ditugu. Ibilbidea amaitzean merendua egonen da Zulo Alai elkartean.
Gurean ohitura da Santa Ageda bezperan makila eskutan eta koplak abesten eskean aritzea, baserritarrez jantzita, gure herrietako ohitura zaharrak berriztuz.
Lehenago, 15:00etan eskolako haurrak herri zaharrera joanen dira haien makilekin, koplak abestera, herri berrira jaitsi aurretik.
