Deskarbonizatu: Klima-aldaketaren inguruko kontzientzazioa eta belaunaldien arteko jarduerak
2024ko urtarrilean Berriozarko Udalak egindako “Deskarbonizatu: belaunaldien arteko sentsibilizazioa Berriozartik” bideoa argitaratu da. Proiektu hau Landa Garapen eta Ingurumen Sailaren dirulaguntza bati esker gauzatu da, Tokiko 2030 Agendako ekintzak inplementatzeko. Jarduera Klima eta Energia Jasangarrirako Ekintza Planaren (KEJEP) barruan kokatzen da, eta tokiko ekintza klimatikoaren jardunbide egoki gisa nabarmenetako bat izan da.
Gainera, jarduera hori LIFE-IP NAdapta-CC proiektuari esker bultzatzen dute Nafarroako Gobernuko Ingurumen Zuzendaritza Nagusiak eta NASUVINSAk, Alkateen Itunaren konpromisoaren ekimenaren testuinguruan.
Proiektu honen helburua Berriozarko “Iruñalde” adinekoen udal zentroko erabiltzaileei laguntzea izan da, ingurune hurbiletan ingurumen-sentsibilizaziorako subjektu bihur daitezen. Horrela, adineko pertsonak inplikatu nahi izan dira, haien ezagutza eta jakinduria tradizionala aprobetxatuz, klima-aldaketari buruzko mezu jakin batzuk beste belaunaldi gazteagoei helarazi ahal izateko.
Proiektuan hainbat jarduera mota ere gauzatu dira. Alde batetik, ibilaldi tematikoak egin dira adineko pertsonekin batera, estimulazio sentsorialeko jarduerak eginez, fauna eta flora esploratuz eta antzinako eta egungo bizimoduak konparatuz, esperientziak partekatzeko eta gure ekintzen ondorioak balioesteko. Helburua izan da berotegi-efektuko gasen emisioen gehikuntzak eta, beraz, klima-aldaketaren ondorioek ingurunean eta pertsonengan duten eragina ezagutzea, egungo inpaktuei nola erantzun, nola jokatu eta nola murriztu hausnartu ahal izateko.
Bestalde, belaunaldiak trukatzeko bi saio ere egin dira Mendialdea Ikastetxeetako ikasleen eta adinekoen artean. Horietan, bi ikuspegi horietatik konponbideak eta ohitura berriak bilatzen saiatu gara, gizartea klima-aldaketaren aurkako borrokara egokitu ahal izateko.
Azkenik, zuhaitzak landatu dira, Berriozarko oinezkoentzako pasealeku bati itzala emateko, Berriozarko Udalaren Lorategi Zerbitzuaren laguntzarekin.