Familientzako tailerrak, euskararen transmisiorako
Urte amaiera eta gabonetako oporrak ate joka ditugu. Orduan, denbora gehiago pasako dugu gure seme-alabekin, eta garrantzistua da haurrek etxean ere euskara presente izatea, hizkuntza hau erabiltzeko erraztasuna izan dezaten.
Horretarako, azaroko azken asterako hainbat jarduera antolatu ditugu, adin-tarte ezberdina duten haur eta gurasoentzako. Berriozarko Udaleko Euskara Zerbitzutik parte hartzeko gonbita luzatu nahi dizuegu:
Azaroak 29, asteartea
ARRIGOLA MARRIGOLA tailerra
Eguneroko errutinak, jolasak, kantak, hitz-jokoak eta abar euskaraz ikasteko tailerra. Familiei baliabideak emango zaizkie etxean haurrekin euskara presenteago izateko.
Eta parte hartzaile guztiei album ilustratu bat oparituko zaie.
17:00-18:30: 0-3 urteko haur eta gurasoak
18:30-20:00: 3-6 urteko haur eta gurasoak
Izen ematea doan azaroaren 27ra arte. Idatzi euskara@berriozar.es helbidera edo deitu 948300359.
Azaroak 30, asteazkena
EUSKARAZKO JOLAS ETA JOSTAILUEN ERAKUSKETA GIDATUA
0-12 urte bitarteko haurrentzat eta haien gurasoentzat. Euskaraz dauden jolas eta jostailuak ezagutu eta bertan probatzeko aukera izanen da.
17:00etatik 19:00etara
Parte hartzaile guztiei Euskarazko Produktuen Katalogoa banatuko zaie, eta ez da izen ematerik egin behar.
Abenduak 1, osteguna
EUSKARAZKO JOLAS ETA JOSTAILUEN ERAKUSKETA IREKIA ETA GAZTETXOENDAKO JOLASGUNEA
Erakusketara joan ahalko dira 0-12 urteko haur eta gurasoak, euskarazko produktuak ezagutu ahal izateko.
Eta gaztetxoendako jolasgune bat egonen da Kulturgunean, lagunartean lasai jolastu ahal izateko (8-12 urteko haurrak).
Parte hartzaile guztiei Euskarazko Produktuen Katalogoa banatuko zaie, eta ez da izen ematerik egin behar.
