Inauteriak badatoz!
Berriozarko Udalak, herriko taldeekin batera, 2023ko inauterietako programa prestatu du.
Egitaraua otsailaren 17an hasiko da, ostirala, arratsaldeko 17:00etan, Ludotekak antolatutako mozorro festarekin. Ondoren, Berriozarko alde zaharrean txokolatada herrikoia izango da 18:30ean. Eta, jarraian, Txolini buruzko emanaldia izango da eta Txolinen segizioaren eta konpartsaren desfilea hasiko da Artikarantz.
Larunbatean goizeko saioa 12:30etan hasiko da Euskal Herria plazan Eguzki Txarangaren animazioarekin. Ondoren, bazkari herrikoia izanen da karpan eta 18:30etan INAUTERIETAKO DESFILEA hasiko da Euskal Herria plazatik. Arratsaldeko 19:30etan txikiek Massil magoaren magiaz gozatzeko aukera izango dute eta gauean dantza herrikoiak dantzatuko ditugu Haizaldi gaiteroekin, ZEZENSUZKO herrikoiaz gozatuko dugu eta pizzekin indarrak berrituko ditugu ondoren DJen erritmoan dantzatzeko.
Anima zaitez eta zatoz zure mozorroarekin Berriozarko inauteriez gozatzera.
Hemen dituzue jarduera guztiak. Egitaraua ikusi.