2025eko martxoak 28
Sahararren aldeko Astea
Sahararren aldeko Astea eginen da Berriozarren apirileko lehen astean.
Azken urteetan bezala, Sahararren aldeko Astea eginen da Berriozarren apirileko lehen astean, herriko auzo elkarteek eta bizilagunek antolaturik. Helburua da 2006tik hona bi herrien artean ehundu diren lankidetza eta harreman lokarriei eustea, elkarri laguntzeko ahaleginean.
Egitarauari begira, film labur bat emanen da, solasaldia eta guzti, saharar errefuxiatuen kanpamentuez apirilaren 1ean, asteartearekin, 18:00etan, erretiratuen elkartean; solasaldi bat Mendebaldeko Saharan egun dagoen egoeraz, apirilaren 3an (osteguna), 19:30ean, Kulturgunean, eta elkartasunezko herri bazkaria apirilaren 5ean, larunbatarekin, 14:00etan hasita, Zulo Alai Elkartean.