2019ko otsailak 28
Txori Zuri dantza taldearen 40. urteurrena
Berriozarko Txori Zuri dantza taldeak hainbat jarduera antolatu ditu bere 40. urteurrena ospatzeko. Apirilaren 13ra arte dantza taldearen argazkiak, erraldoi zaharrak, dantza-jantziak eta bestelako materialak ikus daitezke Kulturgunean jarritako erakusketan.
Apirilaren 13an taldeak egun osoko egitaraua prestatu du: goizean kalejira (11:30ean), eguerdian bazkaria Euskal Herria plazan eta arratsaldean, 18:30ean, ekitaldi nagusia Eguzki plazan. Arratsaldeko dantzaldian garai bateko eta egungo dantzariek parte hartuko dute, zenbait musika taldek lagunduta. Jarraian denok izanen dugu dantza egiteko aukera karrika dantza saioan. Afariak eta gaupasak itxiko dute egitaraua.
Zorionak Txori Zuri!