2017ko Abesbatza Zikloa
Heme_2017
Martxoan “Nerea Aldunate” Abesbatza-Zikloaz gozatzeko aukera izanen dugu Berriozarren. Martxoaren 18an Berriozarko Elkarrekin Abesbatzak zabalduko du zikloa, hilaren 25ean Noaingo Musika Eskolako Gazteen Abesbatzak hartuko du lekukoa eta apirilaren 1ean Baionako Lau Haizetara Abesbatzaren emanaldiak itxiko du.
Ekitaldi guztiak arratsaldeko 7etan hasiko dira Entzunaretoan. Sarrerak 2 eurotan eskuratu ahalko dira txarteldegian ikuskizuna hasi baino ordu bat lehenagotik.
Elkarrekin Abesbatzak eta Berriozarko Udalak antolatu dute Abesbatza-Zikloa, Nafarroako Abesbatzen Federazioak lagunduta.