Bandoa
Heme_2015
Berriozarko Udalak erabaki du azken asteotako eguraldiak botatako zuhaitzen egurra Berriozarren erroldatutako auzokideen artean banatzea, horrela eskatzen badute eta zergak ordainduta badituzte. Etxebizitza bakoitzeko sorta bana emanen da.
Egurra 2015eko abuztu osoan zehar aterako da eta esleipendunek zozketaz egokitutako sorta moztu eta atera beharko dute norbere baliabideak erabilita. Erabat debekatuta dago markatu gabeko zuhaitzak moztea.
Udalak ez du egur-sortarik gordeko udal egoitzetan; izan ere, partaide bakoitzak abuztuan zehar norbere baliabideez berea hartu eta garraiatuko du.
Izen ematea: uztailaren 22tik 29ra 012 telefonoaren bidez, 8etatik 15etara. Argibideak: 636 700 221.