Berriozarko 2016ko Lantzeluze Krosa
Heme_2016
Maiatzaren 21ean, Berriozarren Egunean, Berriozarko hogeita hamaikagarren Lantzeluze Herri Krosa lehiatuko da (Antonio Vázquez Morenoren oroimenezkoa), Mendialdea Kirol Elkarteak eta Berriozarko Udalak antolatua. Irteera eta helmuga Euskal Herria plazan kokatuko dira.
Helduen lasterketa 10:00etan hasiko da. Aurten, lehenbiziko aldiz, bi ibilbide antolatu dira: 7,5 bat kilometroko Lantzeluze Krosa eta 4,5 kilometroko ibilbide herritarra. Aldez aurreko izen ematea (7 euro) Herri Krosa gunean egin daiteke, baita krosaren egun berean ere (10 euro), lasterketa hasi baino 15 minutu lehenago arte.
Haurren kategoriak jarraian aipatzen den moduan antolatu da. Izen ematea maiatzaren 21ean bertan egin ahalko da (3 euro).
| Ordua | Kategoria | Adina |
| 11:30 | Benjaminaurrekoak | 6-7 |
| 11:40 | Benjaminak | 8-9 |
| 11:50 | Kimuak | 10-11 |
| 12:00 | Haurrak | 12-13 |
| 12:20 | Kadeteak | 14-15 |
Argibideak: 646 244389