HELDUEN ANTZERKI-ALDIA
Heme_2012
Azaroaren 4an, 11n, 18an eta 25ean.
Aurtengoa Berriozarko 30. helduen antzerki-aldia izanen da. Urtemugak dakarren albisterik handiena kokapen berria da; izan ere, antzezlanak Mendialdea Eskolako ekitaldi-aretoa baino hobeki kokatu eta hornitutako Entzunareto Berrian eskainiko dira.
Honakoa da antzezlanen egutegia:
- Azaroak 4, igandea: LA COCINA taldea. Antzezlana:”Calla y come”.
Dilista platerkada baten inguruan, gai orokorrei buruz hasieran, eta barruko gai zehatzagoei buruz bukaeran, hausnartzeko komedia. - Azaroak 11, igandea: MALAJE SOLO taldea. Antzezlana: “Humor platónico”.
Antzezleek eta ikusleek elkarri eragitea da helburua, gidoia ongi pasatzeko aitzakia hutsa baita. - Azaroak 18, igandea: TXINTXETA taldea. Antzezlana: “Bodologuak”.
Euskarazko narrazio laburrak. Telebistan eta zineman ezagun egin diren antzezleek gidatutako bakarrizketak, elkarrizketak eta bestelako egoerak. - Azaroak 25, igandea: ZARRAPASTRA taldea. Antzezlana: “El miedo que me habita”.
Emakumeen Kontrako Indarkeriari Aurre Egiteko Nazioarteko Egunak egiten duen salaketan kokatutako antzezlana.
Saioak 19:00etan hasiko dira. Txartelen prezioa 4 eurokoa izanen da kasu guztietan. Txartelen salmenta emanaldiaren egun berean, 18:00etatik aurrera.
Helduen antzerki-aldiaren arauak:
- Antzezlanak helduei begira programatu dira. Hortaz, 12 urte baino txikiagoak ezin dira sartu.
- Aktoreek eta gainontzeko ikusleek merezi duten errespetuarengatik, garaiz heltzea eskatzen dugu, baita telefono mugikorrak itzaltzea ere.
- Behin emanaldia hasita, ez da aretoan sartzerik izanen.
- Entzunaretoan ezin da jan edo edan.
- Berriozarko Udalak badauka aipatutako arauak errespetatzen ez dituzten pertsonei sarrera ukatzeko eskubidea.