2026ko urtarrilak 16
II Txolin Lasterketa
Proba otsailaren 14an izango da.
Bigarren urtez, inauterietako asteburuan, otsailaren 14an, BKT Korrikolari Taldeak Txolin Lasterketa antolatu du. Bi kategoria egongo dira, txikiak 11:00etan irtengo dira eta helduak 12:00etan.
Helduen proba binaka egingo da. Bikote bakoitza bi lagunek osatuko dute. Bikote mistoak (emakumea – gizona), femeninoak (emakumea – emakumea) edo maskulinoak (gizona – gizona) izan daitezke. Bikoteko bi kideek batera egingo dute korrika lasterketa osoan, eta elkarrekin iritsi beharko dute helmugara.
Lasterketaren ibilbideak 5500m-ko luzera du eta Berriozarko kaleetatik eta herri ingurutik igaroko da. Irteera Berriozarko Euskal Herria Plazan adierazitako ordutegian izango da.
