ARANTZA BIFIDO ELKARTEAREN ALDEKO ANTZERKIA
Heme_2012
Azaraoaren 17an, larunbatarekin, ospatuko da Entzunaretoan.
ANPHEB elkartearen logoa
Nafarroako Arantza Bifido Elkartearen 20. urtehurrena dela eta hurrengo larunbatean, hilak 17, antzerki emanaldia ospatuko da Berriozarko Entzunaretoan, elkartearendako diru-sarrerak lortzea helburu duena.
Antzerki emanaldia Ilusiona taldeak haurrendako prestatu duen “Peluches.com” lana izango da. Ekitaldia 18:30ean hasiko da. Sarrerak 3 eurotan jarriko dira salgai takilan ikuskizuna hasi baino ordu bat lehenago edo, aldez aurretik har daitezke, Elkarteak Arantzazu kalean duen egoitzan, 2. atariko behekaldean.
20. urtehurrena honetan larunbatean bertan hitzaldiak egingo dira Kulturgunean. Gaiak hezkuntza, elikadura eta sexualitatea izango dira, Arantza Bifidorekin loturik, eta goizeko 11etan hasiko dira.
Jarduera huek segida izango dute hurrengo astean. 21ean lan saioa izango dute Nafarroako Parlamentuan eta, bukatzeko, 24an jaialdi berezia ospatuko dute Movie Aretoan, musika eskaintza anitzarekin.