Ayuntamiento de Berriozar / Berriozarko Udala

Berriozarko aparkalekua Iruñeko aparkalekuen sarean sartuta dago. Horrek esan nahi du Berriozarren alta emandako edozein erabiltzailek bi udalerrietan erabili ahal izango dituela.

Zein da tarifa?

Berriozarko bizikleta-aparkalekuko probaldia bukatutakoan, hau erabiltzeagatik, azaroaren 1etik aurrera, 2 euroko tasa kobratuko da hilean. Tasa honek honetarako eskubidea ematen du:

• Bizikleta sareko edozein aparkalekutan aparkatzea, eguneko 24 orduetan eta asteko 7 egunetan, hilabetean zehar.

• Bizikleta aparkaleku berean 48 ordu jarraian aparkatzea.

• Aparkalekua, bizikleta elektrikoa doan kargatzeko entxufeak dituzten tokietan.

Nola erabili aparkalekuak?

Aurrez alta eman behar da hemen edo ‘NBici-Biziz’ aplikazioaren bidez (IPhone eta Android-erako ). Automatikoki, sarbide-kode bat emango zaizu. Alta eman ondoren, aparkalekuetara sartzeko hiru modu hauek daude:

• Sarbide-kodea: sartu kodea botoietan atea irekitzeko.
• Telefono-deia: deitu doan aparkaleku bakoitzean idatzita dagoen telefono zenbakira, alta hartzerakoan eman zenuen telefono mugikorretik. Komunikatzen seinalea entzundakoan, sakatu teklatuko kanpaia eta atea irekiko da.

• Online: sartu NBici-Biziz aplikazioan, aukeratu aparkalekua, eta sakatu “atea” dioen botoi biribila

Non daude sareko bizikleta-aparkalekuak?

Bizikleta-aparkalekuen kokapena aparkalekuetako biniloaren QR kodean eta esteka honetan ikus daiteke: https://www.pamplona.es/nbici.